About Founders
શ્રી નાનાલાલ નાથાલાલ શાહ
શ્રી નાનાલાલ શાહનો જન્મ 03/04/ 1896 ના શુભ દિને થયો હતો. તેઓ શિક્ષણ જગતમાં ઉચ્ચ કેળવણીકાર અને અંગ્રેજી વિષયના ખ્યાતનામ શિક્ષક હતા. તેઓએ અંગ્રેજી વિષયના વ્યાકરણનું પુસ્તક લખેલું, જેને સરકારશ્રી તરફથી શાળાઓમાં પાઠ્યપુસ્તક તરીકે માન્યતા મળેલ હતી. તેઓ વિદ્યાર્થીઓમાં તેમના વિષય-શિક્ષણ અને વિદ્યાર્થીઓ પ્રત્યેના પ્રેમભાવને કારણે આદરણીય હતા. જેના ફળ સ્વરૂપે, જયારે તેઓ તેમના અન્ય બે સાથીદારો સાથે સયાજી હાઇસ્કૂલ માંથી છુટા થઈ એચ.વી.શ્રોફ મેમોરિયલ હાઇસ્કૂલની સ્થાપના કરી ત્યારે, સયાજી સ્કૂલના 167 જેટલા વિદ્યાર્થીઓ L. C. લઈને એચ. વી. શ્રોફ હાઈસ્કૂલમાં દાખલ થયા હતા.
તેમના પછી તેમના પુત્ર લક્ષ્મીકાંત નાનાલાલ શાહે પણ સદર ટ્રસ્ટમાં સેવા આપેલી છે અને ત્યારબાદ તેમના પૌત્ર પ્રકાશભાઈ શાહ આ ટ્રસ્ટ સાથે જોડાયેલા હતા. શાળા શરૂ થઈ ત્યારે શ્રી નાનાલાલ શાહ શૈક્ષણિક વિભાગ સંભાળતા હતા. અને ધ મેમોરિયલ એજ્યુકેશન ટ્રસ્ટમાં પ્રમુખ તરીકેનુ સ્થાન શોભાવ્યું હતું.
